Arti nga dy këndvështrime: "Jeta" dhe "shprehja"

mimoza i andjela 1-page-001.jpg | #Alternativna #YOUTH #UNMIK

Mimoza Studenica dhe Andjela Jordanoviç, jetojnë dhe punojnë në Kosovë; njëra në Prishtinë, tjetra në Mitrovicë. Pëlhurë, letra, ngjyra - janë "mjetet" e tyra të përbashkëta. Ato krijojnë vepra arti duke përdorur teknika të ndryshme, megjithatë, ato e trajtojnë krijimin artistik me po të njëjtën dashuri.

Ato kanë të njëjtin edukim të përfunduar - të dyja janë diplomuar në dizajn grafik, në Fakultetin e Arteve, Universitetin e Prishtinës ose Mitrovicës. Ndërsa Andjela njëzet e tre vjeçare është e angazhuar në grafikë, pikturë dhe vizatim dhe bën shtypje intaglio, dmth. akuintë dhe gravurë, Mimoza dyzet e gjashtë vjeç përdor teknikën e letrës filigranë në pëlhurë.

Motivi universal që përshkon punën e Mimoza Studenicës është motivi i një gruaje, kështu që në mesin e punimeve të saj mund të shihni Marilyn Monroe, Kate Moss, Geisha, grua japoneze ...

"Ndjej që një grua është baza e një shoqërie dhe kjo është arsyeja pse unë zgjodha ta përfaqësoja atë përmes punimeve të mia," thekson ajo.

Nga ana tjetër, Andjela, siç shprehet, është e angazhuar në hulumtimin e motiveve:

"Unë eksploroj figura, portrete, hapësirë, ndriçim, hije..."

Jeta e përditshme - i frymëzon të dyja për të krijuar.

"Unë gjej frymëzim çdo ditë, tek njerëzit përreth meje, në disa nga hulumtimet e mia të përditshme mbi artin", thotë Andjela, studente e masterit.

Shikuesi i zakonshëm vë re detajet e jetës së përditshme në puimet e Andjelas.

Arti është një pjesë integrale e jetës së tyre, dhe cili është mendimi i tyre i parë kur dikush thotë ‘art’?

"Jeta", përgjigjet Mimosa, "shprehje", shton Andjela.

"Arti është një krijim që ne e lëmë pas, qoftë në formë të shkruar apo në karikaturë, apo vepra që i ndërmarrim gjatë jetës sonë", shpjegon Mimoza, e cila punon për Radio Televizionin e Kosovës si dizajnere grafike për promovim.

Andjela i afrohet konceptit të artit në një mënyrë pak më ndryshe.

"Arti është, mbi të gjitha, edukim, njohuria e historisë së artit, si dhe teoria e formës, në mënyrë që përmes qëndrimit të fituar kritik ndaj artit, të mund të krijojmë ose kuptojmë më shumë nga vetja," shpjegon ajo.

Arti është gjithashtu krijimtari që ne e lëmë pas dhe edukim, njohuri e historisë dhe teorisë, por është gjithashtu një lidhje që lidh individët dhe komunitetet dhe që në mënyrën e vet kontribuon në ndërtimin e besimit.

Si e konsiderojnë besimin si koncept artistet në fjalë?

"Arti është besimi në qenien tjetër njerëzore," thotë Mimoza.

"Besimi është pa dyshim, siguri për mua," përfundon Andjela.

Përdorimi i tekstit lejohet me një tregues të qartë të burimit dhe lidhjen me burimin e tekstit ose faqen kryesore të platformës.

Ky projekt mbështetet nga Misioni i Kombeve të Bashkuara në Kosovë (UNMIK) dhe zbatohet nga New Social Initiative. Mendimet e shprehura në të pasqyrojnë pikëpamjet e autorit dhe jo domosdoshmërisht ato të Kombeve të Bashkuara, të UNMIK-ut a të New Social Initiative.

Tregimet e fundit

EminaRadioK4_Your stories.png

Emina Hyseni: Valët e radios për tashmë e 21 vjet

Radio K4 dhe zëri i njohur i Emina Hyseni. Është Emina - menaxherja e radios - e cila ndau me ne faktin se si bordet editoriale serbe dhe shqiptare të kësaj radioje kanë bashkëpunuar për më shumë se dy dekada.

Lexo më shumë
podcast_Your stories.png

Episode 3: Ballafaqimi me të kaluarën dhe drejtësia tranzicionale

Amer Alija nga Fondi për të Drejtën Humanitare në Kosovë foli për parimet kryesore të ballafaqimit me të kaluarën dhe drejtësinë tranzicionale.

Lexo më shumë